12 happy months

Aba, sino mag-aakala aabot kame ni Beb ng isang taon? Bwehehehe hindi pa rin kame "kame" at hindi naman nagce-celebrate ng anniversary ito.

Natutuwa lang ako na inabot kame ng ganito. Akala ko, sandali lang itong date date na ito. Eh ayan, tinamaan ng mga lintek at nahulog ang loob sa isa't isa. Ngayon, mga inlababo tuloy.

Masaya ako sa kanya. Hindi nawawala ngiti ko pag kasama ko sya, o kahit pa marinig ko lang ang boses nya at makabasa lang ako ng mensahe sa selpon ko. Kakaibang ligaya talaga. At ang hirap ipaliwanag. This must be love?! Ay may ganong factor.. hihihi

Hindi naman talaga kame nagce-celebrate nga, importante lang sa amin ang araw na una kame nagkakilala at nagsimulang mag-"date". Halos buwan buwan lang, meron kaming mga mensahe na para sa pagsasama namin at kung gaano na kame katagal magkakilala at gaano katagal ine-enjoy ang kanya kanyang presensya.

At dahil nga hindi naman talaga kailangan i-celebrate, at nagkataon na linggo ang " october 15" katulad ng dati, hindi kame nagtatawagan, nagte-text or nagkikita pag linggo. May panahon lang talaga na magkikita kame kapag may pagkakataon. Pero lagi ako nakakapag-text sa kanya kapag weekend since iniiwan lang nya ang telepono sa locker at mababasa nya uli ng lunes.

Masaya ako sa araw na to, at maya't maya ko inaalala yung araw na nagkita kame. Kung ano ginagawa namin sa oras na yon at nasaan kame.

Beb, masayang masaya ako nakilala kita. Hindi ko na kaya pang i-explain kung ano ang saya ko pag kasama kita. Alam kong alam mo kung ano nararamdaman ko for you.

Labels: Beb

chEr sribbled @ 11:53 PM